Дали им верувате на другите? Дали другите ви веруваат?
Научните студии (и сè повеќе, секојдневниот живот!) покажуваат како дружељубивоста е социјална потреба.
За нас, човечките суштества со палци, рафинираната дружељубивост е еволутивна предност што го овозможи нашиот опстанок и успехот на нашиот вид. Затоа не можеме да дозволиме корупцијата да ја уништи.
Една африканска поговорка вели „Потребно е село за да се подигне дете“: потребна ни е густа социјална мрежа за да преживееме и да стекнеме вештини што ќе овозможат да станеме самостојни и да се грижиме за себе.
Дури и во нашите современи сложени општества, ние сме силно меѓузависни еден од друг:треба да се потпреме на другите, очекувајќи дека другите ќе ги извршуваат задачите што им се доделени (поради нивните вештини, искуство или мудрост) според нивните целосни способности и за општото добро од јавен интерес.
Со други зборови: мора да им веруваме на другите, дури и кога никогаш претходно не сме ги сретнале. Ова го претставува основниот столб на кој е изградено нашето општество.
Разбери
Поле за дефиниција
Општествената доверба е капацитетот што ни овозможува да градиме и воспоставуваме здрави односи со другите. Може да се разбере како очекување дека ветувањата на еден поединец, или група на луѓе, ќе бидат исполнети во општеството. Таа вклучува создавање на непишан договор за соработка кон заедничка цел на лична и колективна благосостојба, бидејќи ние комуницираме со другите луѓе претпоставувајќи дека тие не претставуваат опасност за нас. Општествената доверба често се заснова на размена на подароци, учтивост и услуги дури и од чисто симболична вредност. Мотивите за овие размени мора да ни бидат познати и препознаени во секојдневниот живот, за да можеме јасно да согледуваме различни ситуации (вклучувајќи ги и несоодветните).
Прашања за рефлексија
Примери
Јавни услуги (јавен превоз или јавно здравје): мора да им верувате на другите луѓе кога вашата безбедност и живот зависат од нивните вештини. Во случајот со јавниот превоз, на пример, им верувате на возачите иако тие ви се непознати. Во случајот на јавното здравје, пак, верувате дека лекарите ќе ве советуваат што е најдобро за вашето здравје.
Франсоа штотуку е примен како чирак во маркетинг компанија. Во истиот тим, Мари, уште еден чирак ангажиран пред него, е многу омилена кај сите колеги и пофалена од менаџерите за нејзината посветеност и квалитетот на нејзината работа. Франсоа решава да ја покани Мари на пијалок после работа и ја плаќа сметката за двајцата на крајот од вечерта. Дали Франсоа и ги понудил на Мари коктелите од витештво и добрина или се потпира на идно враќање на овој чин?
Делувај
Истражете и изберете од низа активности за работилници, користејќи го нашиот систем за филтри.
Повеќе
Кратка лингвистичка љубопитност
Во францускиот израз, луѓето што бараат услуга велат дека ќе се чувствуваат „обврзани“ кон личноста од која е побарана услугата, на пример: “Vous m’obligeriez si vous vous occupiez de mon dossier” (македонски: Ќе ме обврзеш, ако се погрижиш за моето барање).
На португалски за да кажете „благодарам“, велите “obrigado” што значи обврзан, врзан, принуден.
На старомоден англиски,, велите „многу ме задолжи (much obliged)“ за да му се заблагодарите на некого што направил нешто за вас.
Дали го знаевте ова?
Размена на подароци и чувството на обврска во нордиските земји
Не значи дека во сите култури размената на подароци е од суштинско значење. за градење друштвен живот. Во скандинавските земји, а особено во Норвешка, се чини дека луѓето не сакаат да должат нешто некому, ниту пак некој да им должи нешто, и претпочитаат да бидат независни од обврските засновани на размена на подароци и услуги. Наместо тоа, тие често градат доверба преку други средства: негување на односите преку заеднички активности во клубови и организации. Тие се дружат споделувајќи заедничка цел со месеци и години и потоа можат да ве поканат надвор од овој друштвен „балон“.
Што мислите за овој начин на дружење?
