Што ако не ги пронајдете податоците? Побарајте ги! Податоците можеби не се секогаш достапни на веб-страницата или порталите на институциите. Во овој случај, потребно е да се побара од институцијата да ги објави податоците или да ги направи достапни за следење. Можете да користите специфична алатка за транспарентност наречена барање за слободен пристап до информации (Закон за слобода на информации), која денес е присутна во 119 земји низ светот и дозволува пристап до какви било информации од важност за јавноста. Користејќи го овој формулар, можете директно да го искористите вашето право да знаете.

Исто така, постои уште една можност да имате повеќе достапни податоци, а тоа е создавање граѓански податоци со вашата група. Граѓанските податоци можат да бидат од многу поинаква природа од институционалните податоци: можат да пополнат дел од институционалните податоци кои недостигаат а требало да бидат веќе објавени, да создадат податоци што сè уште не се собрани или да имаат вредност што е првенствено политичка и дополнителна на јавните податоци кои веќе постојат.