Откако вашата група ќе го добие својот сет на податоци, време е да се фокусирате на релевантноста и комплетноста на податоците во споредба со оригинални прашања. Кои податоци ги нашла вашата група? Дали наидовте на некакви потешкотии во потрага по нив? Имаше ли јавна и политичка дебата околу темата? Водете ги да ги систематизираат податоците, да ги споредат и комбинираат јавните и граѓанските податоци и да ги истакнат најинтересните резултати што ги нашле.

Откако ќе се собере целиот материјал, групата треба да го направи употреблив и разбирлив преку, на пример, подобрување на приказот на информациите, користејќи графикони, шеми и записи, односно пишување извештај за следење. Ова е извештај во кој ги трансформирате собраните податоци во понатамошни и подетални прашања за прашањето што го истражувате. Функцијата на овој извештај е да комуницира со потенцијалната надворешна публика, но и да го сочува досегашната работа на групата. Оставете ги податоците да „зборуваат“ и фокусирајте се на тоа што недостасува.